Langabezian daudenei %5eko deskontua egingo diegu urritik ekainerako ikastaroan.
Egunean bost orduko ikastaro trinkoa eskainiko dugu urritik ekainera langabezian
daudenentzat, zerotik hasteko. Doako ikastaroa da.
DIRU-LAGUNTZAK
HABEren euskara-mailak edo horien baliokideak gainditu dituztenek, HABEren diru-laguntzak eskuratu ahal izango dituzte, betiere HABEk ezarritako baldintzak beteta.
Eskaera www.habe.euskadi.eus web-orrian egin beharko da. Orain arteko deialdietan oinarrituta, eskaera irailean egiten da.
EUSKARA ESKURA TXARTELA
Bizkaiko Foru Aldundiak A1, A2, B1 edota B2 euskara-mailetako titulu ofizialak eskuratu dituztenei deskontu-bonua eman die hurrengo ikasturterako.
Orain arteko deialdietan oinarrituta, eskaera www.bizkaia.eus/euskaratxartela web-orrian egiten da, uztailean. Behin eskaera eginda, deskontu-bonua web-orriaren bitartez eskuratu ahal izango da eta euskaltegian entregatu beharko da matrikula egitean irailean.
DIRU-LAGUNTZAK
Udalen laguntzak eskuratzeko baldintzak zein diren dagokion udalean galdetu beharko du ikasleak, eta aurkeztu beharreko agiria bulegoan prestatuko dugu.
Orain arteko deialdietan oinarrituta, Bilboko Udalaren diru-laguntzen baldintzak www.bilbao.eus atarian argitaratzen dira apirilean.
LANBIDE
HABEk eta Lanbidek akordioa sinatu dute, eta horren bitartez diruz lagunduko dituzte hainbat euskara-ikastaro. Ikastaroa ordaintzetik salbuesten zaituen fitxa lortu nahi baduzu, www.lanbide.eus web-orrira sartu, prestakuntza atalera. Pantaila bertan agertuko zaizu HABEko ikastaroetarako esteka. Diru-laguntza badagokizu, euskaltegian entregatu beharko duzu helaraziko dizuten inskripzio-orria. Orri hori aurkeztuta, ikastaroa ordaintzetik salbuetsita geratuko zara, eta Lanbidek prestakuntza-ordutzat kontabilizatuko dizkizu ikastaroko orduak.
*
Informazioa aurreko urtearen araberakoa da. Aldaketaren bat egon liteke deialdi berriak argitaratutakoan. Deialdiak atera ahala informazioa eguneratuko dugu berriak atalean.