- Pertsona bakoitzaren erritmoa errespetatzen da.
- Ordutegi malgua.
- Ikasleak dituen beharretara eta zailtasunetara egokitua dago.
- Material eta baliabide ugari ondo sailkatuak.
- Etengabeko aholkularitza eta orientazioa.
BOGA sistema multimedia
BOGA programa informatikoa eskuratzeko Interneteko konexioa besterik ez da behar. BOGAk honako zerbitzuak eskaintzen ditu:
- Mailakako ikaskuntza.
- Era guztietako ariketak.
- Online bidezko hiztegiak.
- Gramatika azalpenak.
- Ebaluaketa sistema.
- Irakaslearekin eta beste ikaskideekin komunikatuta egoteko kanala.
- Idazlanak irakasleari bidaltzeko eta zuzenduta jasotzeko sistema.
Tutoretzak
Banakako saio hauen helburu nagusia ikaslearen jarraipen pertsonalizatua da: programan egindako lana aztertu, zalantzak argitu, lan osagarria eman (ikasleak eskatuta edo irakasleak aholkatuta), paperean egindako idazlanak ikaslearekin aztertu eta mintzapraktika egin. Horien bidez, ikasleak dituen helburu espezifikoei ematen diegu erantzuna. Tutoretza-saioaren iraupena 45 minutukoa izaten da, ikasleak aukeratutako orduan eta egunean. Hamabost egunean behingoa da.
Ikaslearen diagnosia
Ikaslearen beharrak (komunikazio zein hizkuntza mailakoak) zehazten lagunduko dio.
Lanerako plana
Ikaslearekin batera zehaztuko da. Sistemaren informazioa emateaz gain, ondoen datorkion materiala eskura jarriko zaio.
Lanaren jarraipena
Ikasleak etengabean izango du bere ibilbidearen berri, baita bere ikas-prozesua ebaluatzeko erabiliko diren tresnen berri ere.
Talde saioak
Talde-saioen egiteko garrantzitsuena mintzapraktika lantzea da, betiere elkarreragina oinarri hartuta. Batez beste, lauzpabost ikaslek hartzen dute parte talde-saio bakoitzean, eta ordubeteko iraupena izaten dute. Ikasleak astero egiten du egun eta ordu jakin batean. Taldeak BOGA programako lau mailen arabera banatzen dira.
Ordutegia
- Astelehenetik ostegunera: 08:30-21:00 (jarraian).
- Ostiraletan: 08:30-19:00 (jarraian).