...

Autoikaskuntza

Ulibarri Euskaltegiak autoikaskuntza zerbitzua eskaintzen du 2000-2001 ikasturtetik hasita. Teknologia berrien aroan bizi gara eta horrek denboraren eta espazioaren hesiak hausteko aukera ematen digu, horrela ikaskuntza prozesu indibidualizatuago eta elkarreragileagoa lortzeko. Hori da proiektu honekin martxan jarri nahi dugun eremu birtualaren oinarria. Autoikaskuntzak, besteak beste, honako abantaila hauek ditu:
  • Pertsona bakoitzaren erritmoa errespetatzen da.
  • Ordutegi malgua.
  • Ikasleak dituen beharretara eta zailtasunetara egokitua dago.
  • Material eta baliabide ugari ondo sailkatuak.
  • Etengabeko aholkularitza eta orientazioa.

BOGA sistema multimedia

BOGA programa informatikoa eskuratzeko Interneteko konexioa besterik ez da behar. BOGAk honako zerbitzuak eskaintzen ditu:

  • Mailakako ikaskuntza.
  • Era guztietako ariketak.
  • Online bidezko hiztegiak.
  • Gramatika azalpenak.
  • Ebaluaketa sistema.
  • Irakaslearekin eta beste ikaskideekin komunikatuta egoteko kanala.
  • Idazlanak irakasleari bidaltzeko eta zuzenduta jasotzeko sistema.

Tutoretzak

Banakako saio hauen helburu nagusia ikaslearen jarraipen pertsonalizatua da: programan egindako lana aztertu, zalantzak argitu, lan osagarria eman (ikasleak eskatuta edo irakasleak aholkatuta), paperean egindako idazlanak ikaslearekin aztertu eta mintzapraktika egin. Hauen bidez, ikasleak dituen helburu espezifikoei erantzuna ematen diegu. Tutoretza saioa 55 minutukoa da, gutxienez, ikasleak aukeratutako orduan eta egunean. Astean behin edo hamabostean behin izan daiteke, egindako matrikularen arabera.

Ikaslearen diagnosia

Ikaslearen beharrak (komunikazio zein hizkuntza mailakoak) zehazten lagunduko dio.

Lanerako plana

Ikaslearekin batera zehaztuko da. Sistemaren informazioa emateaz gain, ondoen datorkion materiala eskura jarriko zaio.

Lanaren jarraipena

Ikasleak etengabean izango du bere ibilbidearen berri, baita bere ikas-prozesua ebaluatzeko erabiliko diren tresnen berri ere.

Talde saioak

Talde-saioen egiteko garrantzitsuena mintzapraktika lantzea da, betiere elkarreragina oinarri hartuta. Batez beste, hiruzpalau ikaslek hartzen dute parte talde-saio bakoitzean, eta ordubeteko iraupena izaten dute. Ikasleak astero egiten du egun eta ordu jakin batean.

Ordutegia

  • Astelehenetik ostegunera: 08:30-21:00 (jarraian).
  • Ostiraletan: 08:30-19:00 (jarraian).