...

Argibideak

  • Ikastaldeak 9 pertsonakoak gutxienez izan behar dira.
  • Txandaka etortzeko (lana dela-eta) ikasturte hasieran egin behar da eskaera bulegoan.
  • Egutegia orri honetan izango da.
  • Irakasleak bertaratutako orduak jasoko ditu. Justifikatu beharrekoa dagokion tokian jakinarazi beharko du ikasleak (IRALEko ikasle liberatuek irakasleari emango dizkiote justifikanteak).
  • 18 urtez beherako ikasleen legezko tutoreek informazioa eta datu akademikoak jaso nahi izanez gero, eskaera egin beharko dute bulegoan.
  • Nork bere datu akademikoak (abiapuntua...) habe.euskadi.eus web-orrian ikus ditzake ikaslearen sarbidetik, erabiltzailea eta pasahitza sartuta (aldatu ez baduzu, NA zenbakia letra gabe sartu behar duzu bietan).
  • Matrikula gauzatzeko lehenengo zatiari dagokion ordainketa egin beharko da.
  • Ordaintzeko modua: kreditu-txartela, helbideratzea edo transferentzia. Kutxabank ES86 2095 0000 74 5060001101
  • Astean 10, 7,5, 6 edo 5 orduko ikastaroak eta C2 online: bigarren epea abenduaren lehenengo astean ordaindu beharko da; urtarrilean hasita, berriz, bigarren zatia otsailaren azken astean.
  • Astean 20 orduko ikastaroak: hiruhilekoa bi epetan ordainduz gero, bigarren zatia hasi eta lau astera ordaindu beharko da; ikasturte osoa ordainduz gero, bigarren zatia abenduaren bigarren astean ordaindu beharko da.
  • Udako ikastaroak: epe bakarrean ordaindu beharko dira.
  • Autoikaskuntza: 9 hilabeteko ikastaroa bi epetan ordain daiteke, bigarrena otsailaren erdialdean. 4 hilabeteko eta udako ikastaroak epe bakarrean ordaindu beharko dira.
  • Enpresak: enpresak zuzenean ordainduko dio Ulibarri Euskaltegiari.
  • Ikastetxeak: taldea ikastetxeak kontratatzen badu, ikastetxeari ordaindu beharko dio ikasleak. Bestela, zuzenean Ulibarri Euskaltegiari.
  • Ikaslea taldea hasi den lehenengo  egunean baja izanez gero, ordaindutako diru kopuru osoa itzuliko zaio (barnetegiaren kasuan, ikastaroari dagokiona gordeko da, baina mantenuari dagokiona ez); autoikaskuntzaren kasuan, ikaslea ikastaroaren lehenengo astean baja izanez gero.
  • Baja bulegoan jakinarazten denetik jasotzen ez diren eskola-orduen araberako kopurua ikasturte bukaerara arte (irailera arte) gordeko da. Ikastaroaren erdialdetik aurrerako bajen dirua ez da gordeko.
  • Ikasturte osoa ordaindu duena abenduan baja bada, 2. zatiari dagokiona bueltatuko zaio.
  • Enpresak: euskaltegiak ez du matrikula itzulketarik egingo.
  • Ikastetxeak: taldea ikastetxeak kontratatzen badu, ez da matrikula itzultzerik aurreikusten. Ikasleak zuzenean Ulibarri Euskaltegiari ordaintzen badio, lehenengo bi puntuak hartuko dira kontuan.

Informazioa hemen.

Informazioa hemen.

  • PROBAK: hasierako diagnosi-proba, tarteko proba eta maila bukaerako proba egingo dira (maila-arduradunek zehaztuak). Salbuespenak:
  1. Hasierako diagnosi-proba. Azken 2 hilabeteetan gurean aritu bada, aitortutako maila onartu ahal zaio; azken 2 hilabeteetan beste euskaltegi batean aritu bada, ibilbidea onartu ahal zaio; titulu ofiziala edota baliokidea badu, onartu ahal zaio. Kasu hauetan irakasle berriak berretsiko du ala ikasleari diagnosia egingo dio.
  2. Tarteko proba. Kasu hauetan ez da behar: ikasleak A1A0 eta A2A1 abiapuntua duenean; beranduko alten kasuan, taldearen ebaluazio-datek aukerarik ematen ez dutenean; HABEren 1. deialdiari begira, B2, C1 eta C2 mailetan ebaluazioa martxora aurreratzen denean; ordu gutxiko moduluetan (Probak eta ebaluazioak dokumentuan, modulukako tauletan, zehaztuta).
  3. Probarik egin nahi ez duen ikasleak idatziz uko egin beharko du.

 

  • Maila bukaerako proba gainditu behar da maila aitortzeko (gainditzeak ez du esan nahi maila gainditu duenik, suspentsoa argudiatzeko klaseko lanak dira beharrezkoak). Ebaluazio jarraituko maila bukaerako probaren idazmena eta mintzamena taldeko irakasleak eta beste irakasle batek ebaluatuko dituzte (zehaztutako astean).

_____________ 

  • EBALUAZIOAK (HABEren plataformara notak igo): maila egiteko ordu kopurua betetzen denean edota ikastaroaren bukaeran egingo dira. Tarteko proba egiten denean, tarteko ebaluazioa egin daiteke ikasleren bati maila aitortzeko (abiapuntu-maila ezberdinak izan daitezkeelako). Horretarako, mailaren bukaerako proba erabiliko da.

 

  • Ebaluazio-probak zein astetan egingo diren ikasturte hasieran jakinaraziko die irakasleak ikasleei. Ebaluazio-datak Probak eta Ebaluazioak dokumentuan zehaztuta daude, modulukako tauletan. Euskaltegiak aurreikusitako ebaluazio-datak alda ditzake kudeaketan gerta litezkeen gorabeheren arabera.

 

  • B2, C1 eta C2 mailak ebaluazio jarraituaren bitartez egiaztatzen ez diren bitartean, ebaluazioa martxoan egingo da HABEren lehenengo deialdiari begira eta irailaren lehenengo egunetan bigarren deialdiari begira.

 

  • B2, C1 eta C2 mailetako entzumena eta irakurmena: HABEk onartuko du euskaltegiak trebetasun horietan ezarritako emaitza. Horretarako, maila egiaztatzeko egindako bukaerako probaren kalifikazioak erabiliko dira. BECen ez dira trebetasun horiek egingo.

 

  • Lehen deialdian entzumen- eta irakurmen-probak soilik gainditu dituen ikasleari trebetasun-proba horietako emaitzak gordeko zaizkio bigarren deialdirako, eta beraz, idazmen- eta mintzamen-probak soilik egin beharko ditu. Halaber, idazmeneko proba ere gaindituko balu, mintzamen-proba soilik egin beharko luke bigarren deialdian.
  • Ebaluazio jarraituaren bidez mailaren bat egiaztatu duen ikasleak lau garai izango ditu ebaluazio jarraitua balio egiaztatzaileaz aplikatzeko: lehenengoa, urriaren 1etik abenduaren 31ra bitarteko ikastaroak bilduko dituena; bigarrena, urriaren 1etik martxoaren 31ra bitartekoak bilduko dituena; hirugarrena, urriaren 1etik ekainaren 30era bitarteko ikastaroak bilduko dituena; eta laugarrena, uztailaren 1etik irailaren 30era bitarteko ikastaroak bilduko dituena. Ikastaroa aipatu datetarako bukatuta egon beharko da. Ziurtagirien eragin-datak ebaluazio-garai bakoitzeko urtarrilaren 30a, apirilaren 30a, uztailaren 30a eta urriaren 30a izango dira.
  • Azterketa gaindituta (BEC), mailaren bat egiaztatu duen ikasleak, azken emaitzak atera ondoren eska dezake ziurtagiria HABEren web-orrian.
  • Tituluen eskaera habe.euskadi.eus web-orrian egin beharko da, Sarbidean klik eginez.
  • A1, A2 eta B1 mailei dagokienez, ikasleak ebaluazio jarraitua balio egiaztatzaileaz aplikatzeko dagokion garaia bukatu eta bost laneguneko epean ikusi ahal izango ditu asistentzia eta lortutako maila. Ados ez badago, euskaltegiaren aurrean erreklamatu ahal izango du HABEk www.habe.euskadi.eus web-orrian zehaztutako egutegian adierazitako hiru laneguneko epean. Idatziz eta euskaltegira igorriko dira postaz (Gardoki, 3 - Bilbo). Honako datu hauek agertu behar dira: izen-deiturak, jakinarazpenerako helbidea, nortasun-agiria, egiten duen eskaera edo erreklamazioa, egiaztatze-maila, data eta sinadura. Euskaltegiak hurrengo bost laneguneko epean erantzun beharko dio. Ados ez badago, HABEren aurrean jarri ahal izango du erreklamazioa dagokion garaiko agirien eragin-dataren ondorengo bost lanegunetan. Erreklamazioaren erantzunaren aurka gora jotzeko errekurtsoa jarri ahal izango da HABEren zuzendariaren aurrean.

  • B2, C1 eta C2 mailei dagokienez, interesdunak entzumen- eta irakurmen-proben gainean erreklamazioa aurkez dezake. Horretarako, probak burutu eta gehienez ere hurrengo bost lanegunetan euskaltegiak kalifikazioak emango dizkio. Azterketariak hurrengo hiru egun baliodun izango ditu erreklamazioa aurkezteko, eta euskaltegiak, beste hiru erantzuteko. Interesdunak erreklamazioa jar dezake HABEren zuzendari nagusiaren aurrean onartuen zerrendaren aurka aurkezten denean, eta dagokion Epaimahaiaren aurrean, entzumen- eta irakurmen-proben gaineko erreklamazioaren erantzunarekin ados ez badago, edota idazmen- eta mintzamen-probei dagokienez, prozeduran edota emaitzetan nolabaiteko errakuntzarik gertatu dela uste badu. Erreklamazioak hiru eguneko epean aurkeztu beharko dira, onartuei buruzko erabakia atera edota proben emaitzak ezagutzera eman eta biharamunetik kontatzen hasita. Erreklamazioak, emaitza orokorrak onartu baino lehen ebatziko dira. Halaber, gora jotzeko errekurtsoa aurkeztu ahal izango du HABEn behin betiko emaitzak argitaratu eta hurrengo hilabetean.

  • Erreklamazioak HABEren aurrean zein gora jotzeko errekurtsoak helbide honetara igorriko dira: Vitoria-Gasteiz kalea 3, 6.a, 20018 Donostia.

Informazioa hemen.

  • Oro har, informazio ofiziala HABEk argitaratuko du bere web-orrian: habe.euskadi.eus.

  • Ikaslea dagokion informazioa lortzearen erantzule izango da. Euskaltegiak bere esku dagoen guztia egingo du ikasleari informazioa lortzen laguntzeko; hala ere, informazioa lortzea ikaslearen ardura da.

  • Euskaltegiak informazioa ohar-tauletan eta gure web-orrian dagoen Berriak atalean jarriko du. Halaber, posta elektronikoz bidaliko du bulegoa@ulibarri.eus helbidetik zure matrikula-fitxan adierazitako helbidera.

Iradokizun-orriak ikasgela guztietan zein sarrerako iradokizun-kutxaren ondoan daude, baita hemen. Kexak edo iradokizunak idatziz egin beharko dira.

Kultur ekintzak ikaste prozesuaren parte dira, parte garrantzitsua, euskaraz aritzeko aukera eman ez ezik, euskal kultura ezagutzeko eta bizitzeko bidea eskaini ere egiten digute eta. Kultura arduradunak hilero antolatuko ditugun kultur ekitaldiak helaraziko dizkio ikasleari irakaslearen bitartez edo ohar-taulen bidez.

Datu Pertsonalak Babesteko abenduaren 13ko 15/1999 Lege Organikoak, otsailaren 25eko 2/2004 Legeak eta, pertsona fisikoen babesa eta beren datu pertsonalen tratamenduaz eta datu horien zirkulazio libreaz Europako Parlamentuaren eta Kontseiluaren 2016ko apirilaren 27ko 2016/679 Erregelamenduak ezarritakoaren arabera, jakinarazten dizugu zure datu pertsonalak Gardoki, 3 – 48008 – Bilbo helbidea duen Ulibarri Euskaltegia KEk kudeatuko dituela. Datuen tratamenduaren helburua ikasleen kudeaketa zein euren ikas-prozesuaren garapena eta kontratatutako hezkuntza zerbitzuak ematea da, Helduen Alfabetatze eta Berreuskalduntzerako Erakundea Sortaraztekoa eta Euskaltegiak Araupetzezkoa izeneko azaroaren 25eko 29/1983 Legeak araututakoa betetzeko eta interesdunak emandako onarpenarekin. Datuak epe zehatzik gabe gordeko dira, aipatutako helburua lortzeko beharrezkoak edo bereizleak diren bitartean edo interesdunak kontrakorik adierazten ez duen bitartean.
Datuak HABE erakundeari helaraziko zaizkio, erakunde honek Helduen Alfabetatze eta Berreuskalduntzerako Erakundea Sortaraztekoa eta Euskaltegiak Araupetzezkoa izeneko azaroaren 25eko 29/1983 Legearen arabera ikasleen kudeaketa, euren ikas-prozesuaren garapena, HABEren gaitasun-mailen egiaztapena, ikasleen diru-laguntzak, Euskal Autonomia Erkidegoko foru aldundiek eta udalek xede berberarekin izan ditzaketen datuekiko erkaketa eta euskalduntzearen arloarekin lotutako kanpainei edota programei zein baliabideei buruzko informazioaren edo asebetetze-galdetegien bidalketak egin ditzan.

 

Interesdunak datuen tratamenduaren arduradunaren aurrean fitxategian sartu, zuzendu, deuseztatu, tratamendua mugatu, garraiatu eta aurkaratzeko eskubideak erabil ditzake. Halaber, bere adostasuna baliogabetzeko eskubidea du. Datuen Babeserako Euskal Agentziaren aurrean ere erreklamazioa aurkezteko eskubidea du.

 

Interesdunak datuen babesari buruzko informazio gehigarria zentroan edo ondoko helbide elektronikoan eskura dezake: www.ulibarri.eus.

 

(bai/ez)  Irakurri ditut nire datuen tratamenduarekin eta lagapenarekin lotuta goian aipaturiko baldintzak eta onartzen ditut (ezinbestekoa matrikula egiteko)

(bai/ez)  Jakinarazi didate matrikulari dagokion informazioa www.ulibarri.eus web-orrian dagoela Ikaslea-Argibideak atalean.

(bai/ez)  Baimena ematen diot Ulibarri Euskaltegiari datu hauek informazioa bidaltzeko erabiltzeko.

(bai/ez)  Baimena ematen diot Ulibarri Euskaltegiari Kultur ekitaldietan argazkiak edo grabazioak egiteko, betiere, helburu didaktiko nahiz sustapen-helburuekin gure web, sare sozial edo katalogoetan.

(bai/ez) Lanean ari naizen enpresak burutuko dudan ikastaroa kudeatu edota ordainduko balu, baimena ematen diot Ulibarri Euskaltegiari nire datu akademikoak enpresari jakinarazteko.

 

 

18 urtez beherako ikasleen legezko tutoreek informazioak eta datu akademikoak jaso nahi izanez gero, eskaera egin beharko dute bulegoan.

Ulibarri Euskaltegiaren helburua da bezeroak eta interes-taldeak guztiz asetzea. Horretarako, etengabeko hobekuntzaren kultura gure proiektuaren oinarria bihurtu dugu. Erabaki hori euskararen ikaskuntza/irakaskuntzan, lan-esparruko hizkuntza normalizazioan zein materialgintzan islatzen da.

Hori abiapuntu harturik, honako irizpideak zehaztu ditugu:

  • Gure konpromisoak dira gizarteak sorrarazten dituen aldaketa-beharrei erantzungo dieten zerbitzu berritzaileak eskaintzea, teknologia-berrikuntza jorratzea eta irakaskuntza-metodologiaren berriztapenean lan egitea.
  • Profesionaltasuna, konpromisoa eta laguntzeko jarrera dira gure langileriaren balioak.
  • Euskararen erakargarritasuna eta prestigioa sustatu nahi ditugu, baita erabilera zabaldu ere. Hori lortzeko, eskolaz kanpoko jarduerak bideratuko ditugu.
  • Eguneratuta gaude Eusko Jaurlaritzako Kultura eta Hizkuntza Politika Sailak zabaltzen dituen arau-aldaketetan.
  • UNE-EN ISO 9001:2015 araua erreferentetzat hartu dugu, kudeaketa-sisteman etengabeko hobekuntza bermatzeko.
  • Konpromiso irmoa dugu Laneko Arriskuen Prebentzioaren arloan legeak xedatutako aginduak betetzeko. Hala, sistematika jakina ezarri dugu ebaluazio sistematikoa burutzeko, plana definitzeko eta prebentzio-jarduerak garatzeko.
  • Ulibarri Euskaltegiak legezko arauen eta arau etikoen betetzearekiko konpromisoa dauka; hori dela eta, Arrisku Penalen Prenbentziorako plana definitu du.

Dokumentua.

PRIBATUTASUN-POLITIKA ETA LEGE-OHARRA

Abenduaren 13ko Datu Pertsonalak Babesteari buruzko 15/1999 Lege Organikoa, otsailaren 25eko 2/2004 Legea eta Europako Parlamentuaren eta Kontseilu Europarraren 2016/679 Erregelamendua – 2016ko apirilaren 27koa – betez (datu pertsonalak erabiltzean pertsona fisikoak babesteari buruzkoa eta datu horien zirkulazio askeari buruzkoa), jakinarazten diogu pertsona interesatuari haren datu pertsonalak Ulibarri Euskaltegia E.K. erakundeak erabiliko dituela. Gardoki, 3 – 48008 – Bilbon du egoitza erakundeak.

Web-orri honen bidez ez da erabiltzaileen datu pertsonalik biltzen, haiek baimenik eman ezean, eta ez zaie hirugarrenei lagatzen. Dena den, zerbitzu jakin batzuk erabiltzeko, Ulibarri Euskaltegia KEk erabiltzaileari datu personal batzuk eskatu ahalko dizkio. Ulibarri Euskaltegia KEk informazioa emango dio erabiltzaileari, aldez aurretik baimena eman diezaion Ulibarri Euskaltegia KEari haren datu pertsonalak erabil ditzan.

 

TRATAMENDUAREN ARDURADUNA

IDENTITATEA: ULIBARRI EUSKALTEGIA S.C.

IFK: F48199673

HELBIDEA: GARDOKI 3, BILBO

TELEFONOA: 944162472

POSTA ELEKTRONIKOA: bulegoa@ulibarri.eus

 

 

LEGITIMAZIOA

Ulibarri Euskaltegia KEk datuak erabiltzeko legitimazioa Datuak Babesteko Europako Erregelamendu Orokorraren 6. artikuluan ezarritakoari jarraituz egingo du, datu arruntei buruzkoa, eta pertsona titularrari jakinaraziko zai(zki)o zerbitzu-prestazio bakoitzean aplikatuko d(ir)en zilegitasun-titulua edo tituluak; hala nola, baimena, pertsona partaide den harreman juridiko bat betearaztea, lege-obligazioa edo Ulibarri Euskaltegia KEaren interes legitimoa betetzea  zerbitzuak eta eskumenak garatzean.

 

 

DATUEN JATORRIA

Bildutako datu pertsonalak zuzenean datoz datu horiek aipatzen dituzten pertsonek emandako informaziotik.

 

 

EMANDAKO DATUEN ZEHAZTASUNA ETA EGIAZKOTASUNA

Ulibarri Euskaltegia KEaren zerbitzuak erabiltzen dituzten pertsonek bermatu egiten dute eta erantzukizuna hartzen dute, edonola ere, emandako datu pertsonalak zehatzak eta egiazkoak direla eta indarrean daudela. Gainera, datuok behar bezala eguneratzeko konpromisoa hartzen dute.

 

 

HELBURUA

Ulibarri Euskaltegia KEk datu pertsonalak erabiltzen ditu zentroko ikasketa-, administrazio-, kontabilitate-, zerga- eta lan-kudeaketarako, betiere ikasleei, izan daitezkeen bezeroei eta langileei dagozkienak, emandako zerbitzuei lotutako jakinarazpenak edozein bitartekoren bidez bidaltzeko, eta baita publizitate-helburuekin eta jarduerak hedatzeko helburuarekin ere.

 

Bereziki, egiten duen jarduera nagusia zein den, datuen tratamenduaren helburua da ikasleak eta ikaskuntza-prozesua kudeatzea, eta kontratatutako prestakuntza-zerbitzuak ematea, Helduak Alfabetizatzeko eta Berreuskalduntzeko Institutua sortzeko eta Euskaltegiak arautzeko azaroaren 25eko 29/1983 Legearekin bat eta pertsona interesatuak emandako baimenarekin bat.

 

Datu horiek, aldez aurretik baimena emanda, gorde egin daitezke informazioa bidaltzeko. Dena den, erabiltzaileak informaziorik jaso nahi ez badu, edozein momentutan jakinarazi ahalko digu honako posta elektroniko honen bidez: bulegoa@ulibarri.eus.

 

Ulibarri Kulturak antolatutako ekintzetan, aldez aurretik baimena emanda, argazkiak eta grabazioak egin daitezke, helburu didaktikoekin eta sustapenekoekin Ulibarri Euskaltegiak kudeatzen dituen webgune, blog, sare sozial edo katalogoetan. Dena den, erabiltzaileak agertu nahi ez badu, edozein momentutan jakinarazi ahalko digu honako posta elektroniko honen bidez: bulegoa@ulibarri.eus.

 

 

HARTZAILEAK

Datu pertsonalak erabiltzean Ulibarri Euskaltegia KEak ez ditu lagako, legezko obligaziorik ez badago edo pertsona interesatuak aldez aurretik baimena ematen ez badu. Baimen hori ez emateak ondorioak dituela jakinaraziko diogu eta, hain zuzen ere, ezingo duela dagokion zerbitzua eman.

 

Bereziki, egiten duen jarduera nagusia zein den, datuak HABEri jakinaraziko zaizkio Helduak Alfabetizatzeko eta Berreuskalduntzeko Institutua sortzeko eta Euskaltegiak arautzeko azaroaren 25eko 29/1983 Legearekin bat, ikasleak eta haien ikaskuntza-prozesua kudeatzeko, HABEren mailak egiaztatzeko, ikasleei dirulaguntzak emateko, helburu berarekin foru aldundiek eta Euskadiko Autonomi Erkidegoko udalek dituzten datuekin alderatzeko eta euskalduntze arloko programei eta baliabideei buruzko gogobetetasun-inkestak eta informazioa bidaltzeko.

 

Jarduera profesionala egiten duen erabiltzailea dagoen enpresak ikastaroa kudeatu eta/edo ordaintzen badu, aldez aurretik baimena emanda, Ulibarri Euskaltegia KEk haren datu akademikoak enpresari eman ahalko dizkio.

 

Informazioak eta datu akademikoak jaso nahi dituzten 18 urtetik beherakoen legezko tutoreek idazkaritzan egingo dute dagokion eskabidea.

 

 

GORDETZEA

Emandako datu pertsonalak gorde egingo dira (pertsonak ezabatzea eskatzen ez badu) datu horiek erabiliko diren helburuei erantzuteko; horrela, eutsi egingo zaio pertsona interesatuak Ulibarri Euskaltegia KEarekin duen harremanari edo lotutari. Halaber, gorde egingo dira legezko obligazioak betetzeko epeekin bat, Ulibarri Euskaltegia KEari eska dakizkiokeenak.

 

 

ESKUBIDEAK

Pertsona interesatuak erabili, zuzendu, ezabatu, tratamendu mugatu, garraiatu eta aurka egoteko eskubideak gauzatu ditzake tratamenduaren arduradunaren aurrean dohainik. Halaber, emandako baimena atzera botatzeko eskubidea du.

 

Edozein pertsonak du honako honen berrespena jasotzeko eskubidea: ea Ulibarri Euskaltegia KEk erabiltzen dituen hari dagozkion datu pertsonalak, eta pertsona interesatuek haren datu pertsonalak erabiltzen dituzten. Gainera, zuzenak ez diren datuak zuzentzea edo, hala badagokio, ezabatzea eskatzeko eskubidea du, datuak, besteak beste, erabili ziren helburuetarako beharrezkoak ez direnean.

 

Pertsona interesatuek beren datuen tratamendua mugatzea eska dezakete; horrelakoetan, bakar-bakarrik gordeko dira erreklamazioak egiteko, eta orobat, egoera partikularrari lotutako arrazoiak direla eta, pertsona interesatuak beren datuak erabiltzearen aurka egon daitezke.

 

Horrelakoetan, Ulibarri Euskaltegia KEk datuak erabiltzeari utziko dio, salbu eta legezko arrazoiengatik ez bada, edo egon litezkeen erreklamazioen defentsa egiteko ez bada.

 

Helburu jakin baterako baimena eman badu, pertsona interesatuak eskubidea du emandako baimena uneoro atzera botatzeko, eta horrek ez dio eragingo atzera jo aurretik emandako baimenean oinarritutako tratamenduaren zilegitasunari.

 

Horretarako, idatzia bidaliko diote Ulibarri Euskaltegia KEari, GARDOKI 3, BILBO edo emaila bidaliko honako posta elektroniko honetara: bulegoa@ulibarri.eus.

 

Era berean, eta bereziki uste badu ez dagoela guztiz pozik eskubideak erabiltzean, erreklamazioa egin dezake Datuak Babesteko Euskal Bulegoan www.avpd.euskadi.eus webgunearen bidez, edo estatuko kontrol-agintaritzaren aurrean, Datuak Babesteko Espainiako Bulegoan, k/ Jorge Juan, 6 – 28001 Madril, honako webgune honen bidez: www.aepd.es.

 

 

 

WEBGUNEA ETA EDUKIAK ERABILTZEKO ETA IRISPIDEAN IZATEKO BALDINTZAK

Webgune hau irispidean izatea eta erabiltzea lege-ohar honen zehaztapenen mende dago. Edonola ere, zerbitzuetako batzuk irispidean izateak eska dezake zehaztapenak eta baldintza bereziak onartzea. Webgunea erabiltzen duen erabiltzaile orok onartu egiten ditu lege-oharrean jasotako baldintza orokorrak eta, hala badagokio, aplikatzekoak diren zehaztapen eta baldintza bereziak.

 

COOKIAK

Ulibarri Euskaltegia KEk ez du cookierik erabiltzen erabiltzaileen informazio pertsonala biltzeko, eta ez ditu sartzeko IP helbideak erregistratzen. Bakar-bakarrik cookie propioak erabiltzen ditu, saiokoak, helburu teknikoarekin (erabiltzaileak webgunearen bitartez nabigatzea eta bertan dauden aukerak eta zerbitzuak erabiltzea ahalbidetzen dutenak).

 

Ulibarri Euskaltegia KEaren web-orriak hirugarrenen webguneetan sartzeko estekak ditu. Horien pribatutasun-politikek ez dute zerikusirik Ulibarri Euskaltegia KErenarekin. Webgune horietan sartzean zeuk erabakiko duzu haien pribatutasun-politikak eta cookieak onartzen dituzun ala ez.

 

JABETZA INTELEKTUALA ETA INDUSTRIALA

Web-orrialdeen edukiaren jabetza intelektualaren eskubideak, horien diseinu grafikoa eta kodeak  Ulibarri Euskaltegia KEaren dira eta, beraz, debekatuta dago horiek erreproduzitzea, banatzea, jendeari jakinaraztea, aldatzea edo web-orrien edukiekin egin daitekeen jarduera oro, salbu eta  Ulibarri Euskaltegia KEk idatziz baimena ematen badu. Enpresaren web-orrialdeen edukiak bezalakoak ez diren merkataritza-izen, marka edo zeinu guztiak jabeenak dira eta legeak babestuta daude.

 

 

EDUKIEN ERANTZUKIZUNA

Ulibarri Euskaltegia KEk ez du erantzukizunik hartzen atarian sartzeko aukera duten hirugarrenen webguneen legezkotasunean. Atari honetatik lotura edo esteka duten hirugarrenen beste webgune batzuen legazkotasunean ere ez du erantzukizunik hartzen.

Ulibarri Euskaltegia KEk eskubidea du, aldez aurretik adierazi gabe, webgunean aldaketak egiteko, informazioa eguneratuta izate aldera. Aldaketak egiteko, argitaratutako edukiak edo atariaren diseinua erantsi, aldatu, zuzendu edo ezbatuko ditu. Edukiak aldian-aldian eguneratuko dira.

 

 

LEGERIA

Oro har, Ulibarri Euskaltegia KEk bere zerbitzu telematikoen erabiltzaileekin dituen harremanak,  webgunean daudenak, Espainiako legeen eta jurisdikzioaren mendean daude.